Қазақстан 26 елмен өзара визасыз режимді енгізу туралы келіссөздер жүргізуде

Қазақстан 26 елмен өзара визасыз режим енгізу туралы келіссөздер жүргізуде

Олардың қатарында Австрия, Сауд Арабиясы, Сан-Марино, Бахрейн және т.б. Бұл туралы Мәдениет және спорт министрлігінің баспасөз қызметі хабарлады

Сондай-ақ азаматтары Қазақстанға электронды виза алуға өтініш бере алатын елдердің тізімін кеңейту және шақыру талабын алып тастау мәселелері де қарастырылуда.

Сонымен қатар, БАӘ тұрғындарына жеңілдетілген виза беру мәселесі талқылануда.

«Қазақстан шетелдік саяхатшылар үшін қызықты және министрлік еліміздің туристік әлеуетін толық ашу үшін жұмыс жасауда. Соның ішінде келетін туристер ағынын арттыру арқылы. Қазірдің өзінде көші-қонды бақылауды жақсарту тетіктері іске асырылуда. Мысалы, eQonaq ақпараттық жүйесі», - деді Мәдениет және спорт министрлігінің ресми өкілі Мөлдір Әбдуалиева.