Дубай - БАӘ-дегі ең үлкен қала және әлемдегі туристік орталықтардың бірі. Қала өзінің ішкі қарама-қарсылығымен таң қалдыра отырып, араб елдерінің, Еуропа мен Оңтүстік Азияның мәдениеттерін тамаша үйлестіреді.
Қаланың әсемдігі туралы және оның демалушылар үшін нағыз жұмақ болғаны туралы мен көпке дейін айтпаймын. Енді демалыс туралы айта өтейік. Осы сапарымда не үйренгенімді, қандай білім алғанымды, жалпы бұл сапардан нені қалайтыныма көшейік.
Ұшудан бірнеше апта бұрын мен көптеген ақпаратты қарап шықтым, бірақ мен алғашқы екі күнді жай демалуға арнайтынымды түсіндім, содан кейін ғана қаламен толыққанды танысуға кірісемін. Мен өзіммен бірге рюкзак пен киім ауыстыратын шағын сөмкені, кішкентай гаджеттер мен сүйікті iPad-ты алдым.
Айта кету керек, мен Дубайға маусымаралық уақытта бардым, сондықтан саяхат маған салыстырмалы түрде арзан болды, өйткені менің басты мақсатым бастапқыда жағажай демалысы емес еді. Бірақ бәрібірде әуежайға барар жолда, мен Парсы шығанағының жағалауындағы самал желмен, сүйікті музыкамды тыңдап, планшетте сурет салу туралы ойлай бастағам.
Ұшағым қонғаннан кейін сергіп қалдым (бақытымызға орай, мен джеглагтан зардап шекпеймін), содан кейін мен әуежайға салыстырмалы түрде жақын орналасқан шағын мысырлық мейрамханаға түскі ас ішуге бардым. Мен онда гуммустың, көкөніс пен ет қосылған күріштің дәмін таттым. Бағалар қымбат емес, ал тағамның өзі өте дәмді және қанағаттанарлық.
Бірінші күні. Мен Дубайдағы алғашқы күнімді босаңсыған демалыста өткіздім, түнде Джумейра жағажайында серуендеп, жергілікті үнді асханасында тамақтандым. Онда мен көптеген дәмдеуіштері бар кілегейлі соустағы тауық етін көрдім, ол чапатимен (пита нанына ұқсас үнді нан түрі) бірге келді. Соның барлығы балғын апельсин шырынмен жақсы үйлеседі. Осы аралықта мен жергілікті инфрақұрылымды және серуендеп баруға болатын жерлерді зерттедім, бақытыма орай дамыған метро жүйесінің арқасында бұл қиын болған жоқ. Еуропалық қалаларға үйреніп қалғандар үшін жағалау сызығының және туристік аймақтардың сыртында жүру өте ыңғайсыз болады, сол үшін метро немесе жалға берілетін көлік сіздің негізгі көлік құралы болады. Кешке отеліме қайтып, күнімді бөлмемнің балконында алма шырынын ішіп аяқтадым.
Екінші күн. Екінші күнімді жағажайдан бастадым, таңғы астан кейін өзіммен бірге жеңіл тағамдар, iPad және энергетикалық сусын алдым. Таңда Джумейра жағажайлары адам саны онша көп емес, сондықтан осы сәттен ләззат алу үшін мені ешкім мазалаған жоқ. Жеткілікті сурет салғаннан кейін мен пальма аралына баруды шештім, өйткені ол Джумейраға жақын жерде орналасқан. Мексикалық мейрамханаға түскі асқа түсіп, мен тағы да тым дәмді және жоғары калориялы тағам мәселесіне тап болдым. Бар мүмкіншілігіңізбен тостағандағы бурритоны татып көруге тырысыңыз. Пальма аралының соңына жеткенде, мен фонтан шоуына куә болдым және әлемнің әр түкпірінен келген бірнеше адаммен сөйлестім, олардың әрқайсысы әртүрлі мақсаттармен осында келген болатын. Кешке бөльмеме қайтып, апельсин шырынымен жағалау көрінісіндегі күннің батуымен бірге күнімді аяқтадым.
Үшінші күн. Бұл күнді жағажайда және қалада серуендеумен өткіздім. Қаланың ішінде досымның кенесі бойынша Вьетнам мейрамханасына бардым. Мен әлем тағамдарының дәмін татуды ұнатамын, бұл мейрамханада «фо сорпасы» тағамы есімде, ол өте теңдестірілген және тамаша нәр береді. Бір сөзбен айтқанда, мен бұл күнді жағажайдың көріністері мен дәмді тағамдарды тамашалаумен өткіздім. Классиктердің айтуы бойынша, күннің соңында мен балконымда кітап пен бір саптыаяқ глинтвейнмен отырдым.
Төртінші күн. Ақырында мен жеткілікті демалдым және саяхаттың белсенді бөлігін бастай алатынымды түсіндім. Ең алдымен, маған аздап дүкендерге бару керек болды, және бұл үшін ең жақсы орын, әрине, Дубай сауда орталығы (немесе барлығы білетіндей Дубай Молл). Менің таңдауым Дубай Моллға түскен себебі, бұл жердегі дүкендердің үлкен таңдауына байланысты ғана емес, сонымен қатар аквариум мен менің әлсіздігім - The Cheesecake Factory мейрамханасы үшін болды. Океанариум өзінің сұлулығымен таң қалдырады, су асты әлемінің сұлулығын сүңгусіз-ақ бағалаймын деушілерге ұнайтынына сенімдімін. Мейрамханаға келетін болсақ, мен көптеген пікірлерді оқып, бұл жерде болмаса, қай жерде менің сүйікті десертімді - чизкейкті жейтінімді түсіндім. Өзімнен қосатыным, бұл жерде өте дәмді макарон өнімдері де дайындалады. Наполетано макаронынан және дәмді шоколадты чизкейктен дәм татқаннан кейін мен Бурдж Халифадағы жарық шоуын тамашалауға бардым. Мен күнді өзімнің сүйікті балконымда хош иісті шаймен аяқтадым.
Бесінші күн. Таңертең ерте тұрып, ойыма ЭКСПО-2020 көрмесін тамашалау туралы ой кірді. Мен ЭКСПО-ға метромен оңай жеттім. Экспоның инфрақұрылымы шынымен таң қалдырады – көрме аумағы «Аудан-2020» деп аталатын шағын қалашық түрінде одан әрі пайдалану мақсатында жоспарланған болатын. Көрмеге 192 мемлекет қатысты, олардың әрқайсысы жаңа технологиялар мен мүмкіндіктерді көрсетті. Маған ерекше ұнаған павильондар: БАӘ, Германия, Швейцария, Сингапур, Қытай, Индонезия, Италия және Сауд Арабиясы. Мені электр қуатын өндіретін әткеншек сияқты көптеген іс-шаралар мен интерактивті ойын-сауықтарды ұсынған неміс павильоны қызықтырды. Швейцария павильонында Альпі тауларының шағын «симуляциясы» орнатылды, онда қонақтарға Альпі тауларын бағындыру тәжірибесін алу ұсынылды. Сингапур әлемнің түкпір-түкпірінен өсімдіктер жиналған «жасыл қалашық» ботаникалық бақ түрін ұйымдастырды. Көрме аумағын халықаралық сауда мен бизнес үшін арнайы аймаққа айналдыру жоспарлануда. Шаршағанмен, көңілім толып, қонақ үй барында авторлық коктейльмен күнді аяқтадым.
Алтыншы күн. Соңғы күні мен ескі қала аймағына баруды шештім. Мен мәдени мерекелерді жақсы көретіндіктен, мен бұл күнді бүкіл саяхаттағы сүйікті күнім деп айта аламын. Ертеде Хор Дубайдың жағасында құрылған шағын балықшылар ауылы болған бұл әсем қаланың тарихы осы жерден басталады. Ескі қала аумағында көптеген мұражайлар, көрмелер, тарихи ғимараттар мен жайлы дәмханалар бар. Мұнда сіз әлемдегі ең шынайы Starbucks бірін таба аласыз. Кофе туралы айтатын болсам, мен әлемнің әртүрлі бөліктерінен экспонаттар мен кофе жиналған кофе мұражайын тамашаладым. Әрине, мен сол жерден бір кесе хош иісті кофе сатып алдым. Мұражайларды аралап, аймақтың барлық дерлік түкпірлерін аралап шыққаннан кейін мен өзенді қайықпен кесіп өту үшін Хор Дубайға бет алдым, оның бағасы небәрі 1 дирхам. Басқа жолмен жүзіп, мен Дубайдың шығу тегін бақылап, непалдық асханаға кірдім, онда маған гарнирмен бірге таңғажайып дәмді енекенің еті ұсынылды. Непал асханасының ерекшелігі оның оңтүстік азиялық көршілерінен өте ерекшеленетіндігінде және онда, мысалы, үнді тағамдары сияқты көптеген дәмдеуіштер басым емес. Күннің соңында мен отбасыма бір-екі кәдесый сатып алып, күнді бір кесе кофе мен шоколадпен аяқтадым.
Соңғы күні мен Jumeirah Beach резиденциясында аралауды жөн көрдім, өйткені мөлтек аудан аумағында шынайы қытай мейрамханасы мен итальяндық «IL Motto» кофеханасы орналасқанын білдім. Түскі асқа «Ыстық қазан» қытай мейрамханасына бардым, бірақ бұл мекеме маған онша әсер қалдырмады, тіпті тамақ ішкеннен кейін де тойғанымды сезінбедім. Дегенмен, менің рейсім көп ұзамай болды, мен қалай болғанда да демалысымды жақсы өткіздім.
Осы шағын саяхатты қорытындылай келе, маған қала ұнады деп айтқым келеді, дегенмен, жаяу серуендеуді ұнататын адам ретінде қаланың орналасуы маған ыңғайсыз болып көрінді (бірақ, көріп тұрсаңыз, адамдар Дубайға бұл үшін ұшпайды). Маған ескі қаланың ауданы қатты ұнады және мен сол жерде ең көп әсер алдым. Қала реңктерге толы және өзінің ерекше дәмімен модернизм мен жергілікті мәдениетті үйлестіреді. Сіз Дубайға барған сайын әрқашанда жаңа нәрсені аша аласыз, ал демалысыңыз бен тәжірибеңіз әртүрлі жергілікті тағамдармен толықтырылады.
